وتمنطقي بحلة الطهر الصحيح               وتكللي بالطهر والعقل الرزين

وكوني لزوجك مثل ماقال المسيح             اتركي امك      وبيك   وتبعيه

اتركي   امك   وبيك     والجميع          وكوني مطيعة ربنا يحب المطيع

وتبسمي بسمات زهرات الربيع           لاتعبسي وجور الزمان تحملي

لا تعبسي غيم زمانك ا و صفا         وامشي بطول البال على درب الوفا

زوجك يا بنتي لا تحاكيه بجفا                  اكرميلو اهل بيته واكرميه

اكرمي اهل بيته على سواء               واسلكي معهم بلطف وقلة حكي

وان حدا خلقه طلع لا تشتكي               كوني كريمة رايقة لاتجاوبيه

كوني كريمة والكرامة تنعرف          من حاد عنها الدمع من عينه انزرف

زوجك اذا يومان من كيسه صرف             لا تعملي متل غيرك وتناقريه

لا تعملي متل غيرك تتجيري و تتنكري      على الكبريا مش عارفي تتدبري

واذا وقعتيف في مصيبة تصبري              ومن صبر ينال كل مايبتغيه

ومن صبر ينال من بعد الهلاك              مهما المتاعب حوله نصبوا شباك

كوني شريفة طاهرة متل الملاك             لو كان عشب الارض بدك تاكلي

لو كان عشب الارض زادك والطعام           في فوق منك رب عينه ما تنام

وفي الصبح صلي لو ابانا والسلام                وبعدها قولي دليلي يرشدك

على الحق والمبدي القويم

انت وعريسك بالهنا عمرا طويل            بجمعة اماني  و وفا تعيشوا سوا

ويدللك وتدليليه